Europa League Round of 16

ဒီနေ့ မြန်မာစံတော်ချိန် မနက် ၁၂ နာရီ ၁၅ မိနစ်နှင့် ၂ နာရီခွဲတွေမှာတော့ Champion League Round of 16 လက်ကျန် ပွဲစဉ် ‌၄ ပွဲ ကစားခဲ့ပါတယ်။ မနေ့ကလို သရေပွဲ မပါဝင်ခဲ့ဘဲ ၄ ပွဲလုံး အရှုံး၊ အနိုင် အဖြေ ပေါ်ခဲ့၏။ အနီကဒ်တွေလည်း ပါခဲ့၏။ နှစ်ပွဲ တိတိ။ ဘွန်ဒက်လီကာ ဒါဘီလို့ ပြောလို့ရသည့် Bayern Munchen vs Leverkusen ပွဲမှာတော့ Bayern Munchen က 3-0 ဖြင့် အနိုင်ရသွားခဲ့၏။ Leverkusen အသင်း အနေနဲ့ မိနစ် 60 လောက်မှာ ကတည်းက ကစားသမားတဦး နှစ်ဝါ တနီနဲ့ အထုတ်ခံရပြီးနောက်မှာတော့ ပွဲက ပြီးသလောက် ဖြစ်သွားခဲ့ပြီ။ ဒုတိယအကျော့မှာ Leverkusen တို့ ပြန်လာနိုင်မလားကတော့ စောင့်ကြည့်ရုံသာ။

Inter Milan ကတော့ အဝေးကွင်းမှာ Feyenoord ကို 0-2 ဖြင့် အနိုင်ရသွားခဲ့၏။ ဒုတိယကျော့ အိမ်ကွင်းပွဲဆိုတော့ သူတို့မှာ ဖိအား နည်းသွားပြီဟု ဆိုလို့ရ၏။ Barcelona အနေဖြင့် တယောက်လျော့ အနေအထားနဲ့ အဝေးကွင်းမှာ Benfica ကို 0-1 ဖြင့် အနိုင်ရ သွားခဲ့၏။ Liverpool ကလည်း PSG ကို 0-1 ဖြင့် အနိုင်ရသွားခဲ့၏။ Bayern Munchen ပွဲစဉ်က လွဲလို့ ကျန်ပွဲစဉ် 3 ပွဲမှာ အိမ်ရှင်တွေထက် ဧည့်သည်တွေက အသားစီး ရယူ သွားနိုင်ခဲ့၏။ ဒုတိယကျော့ ပွဲစဉ်တွေကတော့ ကြည့်လို့ ကောင်းပေလိမ့်ဦးမည်။

နက်ဖြန် မနက် 12 နာရီ 15 မိနစ်နှင့် 2 နာရီခွဲချိန်တွေမှာတော့ Europa League Round of 16 ပွဲစဉ်များ ယှဉ်ပြိုင် ကစားသွားဖို့ ရှိနေ၏။ တရက်ထဲ ပွဲစဉ် 8 ပွဲလုံး ကစားမည် ဖြစ်၏။ အသည်းကျော် United ၏ ပွဲစဉ်လည်း ရှိ၏။ Real Sociedad နဲ့ အဝေးကွင်းမှာ ယှဉ်ပြိုင် ကစားရမည် ဖြစ်၏။ FA Cup ကနေ ထွက်ခွာ ခဲ့ရပြီးပြီမို့ ဖလား မျှော်လင့်ချက် အနေနဲ့ ဒီတလုံးသာ ကျန်တော့၏။

ဒီအသင်းကနေ ဘာတွေများ ထပ်မျှော်လင့်လို့ ရဦးမည်နည်း။ နောက်ထပ် နာကျင်စရာတွေလားပေါ့။ ပိုချစ်ရင် ပိုနာကျင်ရတယ် ဆိုသလိုပေါ့။ မပျော်ရတဲ့ ကာလကြီးမှာ မပျော်တာတွေပဲ ထပ်တိုးခဲ့ပေါ့။