Teunang Cules! Si Messi Mantoeng Jimuen Bak Barcelona, Han Dijak Sahoe Lei

in SportsTalkSocial •  2 days ago 

.


Na padim uroe yan ka ulikoet, si hayue Lionel Messi seumpat dipugah lei tukang tuleh beurita bohban doenya bahwasanya ijih karu ngon si Eric Abidal. Seubab nyan kuh asoe beurita jipugah si Messi nyan nak jak weh pinah pat laen. Nyoe ka aman lon baca bak eurita online bahsa Indonesia Bola Net. Messi beurarti hana jak hoe laen. Hana mungken dijak hoe laen lei jih saweub Barca nyan ka lagei rumoh droe jih. Pah jai ka jitumei peumuncak sa disinan.

Peulatih bohban naggroe Argentina Lionel Scaloni pugah cit masalah nyan, bahwasajih Messi hana masalah lei ngon Barca. Jih ka hana pu pu lei ngon mandum anggota tim. Teutap lah jimuen disinan, meuka lon pugah bak Cules (Fans Barca) ban sigoem Aceh; bek yoe, bek teucalok yan koen-koen. Messi pansiun inan bak Barca!

Scaloni jut i nilai tuntang Messi muen bohban mantoeng get tat. Jikalon lei Scaloni nyan watei Barca lawan Real Betis, Messi muen meulupah get ngon seuriuh tat-tat i lapangan. Jih bagi bohban keu mandum rakan yan puelop. Kon na neukalon lei Cules Barca meunang 3-2 bak rumoh Real Betis.

Nyoe malam singoh bek tuwoe (15/02/2020) poh siploh bek na salah lon, Messi ngon rakan-rakan jih na dimuen lawan Getafe i Camp Nou. Nyan lon pikei meunang Barca.

Pa kiban meunuroet urueng droe nuh? Nyan bek tuwoe nonton beh.

Authors get paid when people like you upvote their post.
If you enjoyed what you read here, create your account today and start earning FREE STEEM!