Dusra match asaani se jeet gaye.
Sab se pahle to aap sabhi muslim bhaaiyo ko meri taraf se Eid Mubarak. Aur sunaao bhai log aap sab ki eid badhiya se gujar rahi hai ki nahi.
Chaliye ab match ki baat karte hai kal ka match hum fir se jeet gaye. Sala sabhi match itni asaani se jeet rahe hai ki dekh kar mujhe hasi aa rahi hai. Itni asaani se kyo haar jaa rahe hai ye log samajh nahi aa raha hai. Thoda to achha se khelna hi chahye bhai itna kharab kyo khelna ye west indies pahle waali west indies nahi hai. Pahle waali ki baat hi alag thi lekin ye to bhaiyya ek dum zimbabwe ki takkar ke lag rahe hai.
Image source
India ne sab se pahle batting ki aur batting le kar ke 279 run bana diye 7 wicket ki nuksaan par. Mujhe laga tha itna run to sayad maar de west indies lekin bhai unse na ho paayega. DL method mila tha kyo ki baarish ho rahi thi fir bhi nahi jeet paaye ye log. 42 over me sirf 210 run hi bana paaye aur 59 run se har gaye bechaare.
Ek ko chod kar sab ne niraash kiya.
West indies team me bas ek bande ne thoda run banaya. Evin ne 80 gend me 65 run banaaye baaki ke player sab bhaklol they. Kaptan bhi nahi chala aur gayle bhaiyya to ab bahut niraas kar rahe hai mujhe lagta hai ab inko sanyaas ke baare me sochna chahye. Bekaar me apna naam kharab kar rahe hai aise hi khelte rahe to bas naam kharab hoga log pichli banaayi record bhul jaayenge lekin abhi ki kharab record yaad rakhenge.
Isliye mujhe lagta hai yadi gayle sanyaas le leta to achha rahta pata nahi sanyaas kyo nahi le raha hai banda. Samay to ho gaya hai sanyaas ka aur all format se le lena chahye ab iss ke bas ki baat nahi hai cricket. 24 gend me kewal 11 run hi banaaye hai bande ne. Pahle iski baat alag thi lekin ab nahi khel paa raha hai.
Virat ne bikhera apna jaadu.
Kal ka match bhai virat ki wajah se jeet gaye. Bande ne 125 gend me 120 run thoke hai. Ek apna kaptaan hi hai jo kabhi niraash nahi karta hai hamesha achha khelta hai isliye main iss bande ko bahut maanta hoon. Iske jaisa abhi koi ballebaaj nahi hai kaash world cup ke semi final me bhi thoda achha khel leta to sala world cup hum jeet sakte they.
Lekin choda ab kya iss baare me baat karna ab agle world cup ki taiyaari shuru karni chahye lekin uske liye abhi bahut samay hai. Iss se pahle main chahta hoon ki virat kohli kam se kam ek baar ipl ka final jeet jaaye. Bas agli baar thoda achhe achhe bowler le le fir sahi rahega.
To listen to the audio version of this article click on the play image.
Brought to you by @tts. If you find it useful please consider upvoting this reply.
You got a 79.96% upvote from @minnowvotes courtesy of @akshaykumar12257!