Kal gayle ne akhri match khela.
Bhaaiyo kal ka match shandaar tha aur mujhe gayle ki tufaani paari dekh kar ke lag raha tha ki ye log aaj match jeet jaayenge. Lekin bhaiyya humara kaptan kam thodi na hai bande ne thok diya mast run aur jeet gaye. Filhaal gayle ki baat karte hai. Gayle ne ab international match se sanyaas le liya hai. Kal unka akhri match tha ab hum unko khelte huye nahi dekh paayenge ab wo IPL me bhi najar nahi aayenge.
Image source
Banda bahut kama liya ab to rest karna hi hai isne. Bahut yaad aayegi iski, mujhe iske shot bahut achhe lagte they. Sala khade khade chakka lagata tha bahut mast banda tha. India me bhi aata tha to ek dum funny tarike se rahta tha bahut achha lagta tha yaar ye mujhe. Iske India me bhi kaafi followers hai yadi main kahu west indies ka koi khiladi hai jisko India me sab se jyada pyaar milta hai to wo koi aur nahi balki gayle hi hai.
Main socha sher kamjor ho gaya hai.
Bhai log mujhe lag raha tha ab sher puri tarah se kamjor ho gaya hai ab shikar nahi kar sakta hai. Lekin kal sher ne puri koshish ki thi shikar karne ki lekin team waalo ne saath nahi diya. Khair kal gayle ne mast 41 gend par 72 run maare hai aur ye kam nahi hai. Kal banda achha khela aur main iski izzat karta hoon.
Iski team se evin lewis bhi thoda achha khela. Ye khiladi bhi hamesha thik hi khelta hai ek west indies se yahi hai jo sahi khelta hai warna abhi to baaki ke saare bekaar khiladi hai west indies me. Russell to hai nahi bechara chot laga hua hai usko jo hamesha chotil hi rahta hai uska kuch ho nahi sakta hai.
Apni team se bhaiyya virat kohli ka jawaab nahi.
Kal apne kaptaan ne fir se humara dil jeet liya. Pichle match me bhi man of the match liya tha aur isme bhi le gaye. Kal 99 gend par 114 run thok diya bande ne. Ab aap hi batao iski tareef na karu to aur kya karu are akhir hai ye tareef karne wala banda to fir tareef to banti hai na bhai. Kya mast khelta hai yaar ye kaash semi final me bhi khel jaata to hum world cup jeet jaate lekin kya kare nahi chala uss din.
Shreyas Iyer bhi badhiya khela.
Pichle match me bhi isne badhiya khela tha aur iss match me bhi badhiya khela pata nahi isko pahle se mauka kyo nahi dete they. Sala wo bhaklol bhaklol player ko liya world cup me iss se achha tha ki isko lete. Dinesh karthik bhaklol ko le sakte hai fir isko kyo nahi le sakte hai samajh me nahi aa raha hai mujhe. Ab kya kar sakte hai ab to sab kuch khatam ho gaya.
To listen to the audio version of this article click on the play image.
Brought to you by @tts. If you find it useful please consider upvoting this reply.